KRA pin waa nambar aqoonsi oo ay bixiso hay’adda Dakhliga Kenya (KRA) oo ay siiso dadka kenyaanka ah ama kuwa aan kenyaanka ahayn ee muhiimka u ah furitaanka akoon bangi, helitaanka Shaqo iyo ganacsi gudaha kenya.
Sida laga soo xigtey KRA, qaar ka mid ah ganacsiyada ugu caansan ee u baahan KRA PIN waxaa kamid ah;
- Codsiga ogolaanshaha ganacsiga
- Diwaangelinta magacyada ganacsiga iyo shirkadaha
- Sharciyeenta ganacsiga– sharciyeenta ganacsiga waa oggolaansho rasmi ah oo aad u baahan si aad ganacsi u sameeyso. Tan waxa sameeya dowlad goboleedka.
- Codsiga Diiwaangelinta Canshuurta Qiimaha lagu darey (VAT)- sida waafaqsan sharciyada Kenya, tani waxey waajib kutahay dadka keeney ama filaayo inay keenaan alaabo la canshuuri karo oo qiimaheedu yahay ksh 5,000,000 iyo wixii ka badan 12 bilood gudahood. Waxaad wax badan ka baran kartaa halkan.
KRA waxay sameeysa oo kaliya hal Nambar aqoonsi qof walba, waxaana isticmaali kara oo kaliya qofki la siiyey lamina wadaagi karo marna.
Maqaalkan waxaan kugu hagi doonaa inaad hesho lambarka inaad hesho lambarka aqoonsiga ee KRA qoxooti ahaan Kenya.
Sida loo diwaan geliyo loona helo KRA PIN qadka
Si aad isaga diwaan geliso oo aad uga hesho KRA PIN-kaaga Hay’adda Dakhliga ee Kenya, fadlan ogow inaad u baahan tahay inaad haysato Aqoonsigaga qoxootinimada(ID)
Haddii aad heysato dukumeentigan, raac tallaabooyinkan hoose si aad u diwaan geliso KRA PIN-kaaga .
- Dooro "Non-Individual" iyo "Online Form" sida qaabka isdiwaangelintaada iyo guji ‘next.’
- Buuxi macluumaadkaaga aasaasiga ah, adigoo dooranaya ‘Non-Kenyan Resident’
- Dooro waajibka cashuureed ee haboon adiga oo saxaya sanduuqyada khuseeya. Xasuus: Ha saxin Haa qeybta ku weydiinay haddi aad rabto inaad isdiwaangeliso Turnover Tax (TOT). kaliya dheh Haa haddii aad kazoo baxdo shuruudaha lacag-bixinta (TOT) sababtoo ah TOT waxaa kaliya oo bixiya dadka deggan ee dakhligooda guud ee ganacsiga u kabadan yahay Ksh1,000,000 uusan dhaafsiisnayn ama aan la filayn in uu dhaafo Ksh50,000,000 sannad kasta.
- Geli faahfaahinta goobtaada shaqo ama xirfadda ikhtiyaarrada ku jira nidaamka.
- Buuxi lambarkaaga aqoonsiga qaxootiga, taariikhda dhalashada, jinsiga, iyo dalka aad ka soo jeedo.
- Tilmaam ciwaanka goobtada iyo ciwaanka boostada.ku dar macaluumadka xiriirka meelaha la bixiyey. Ogsoonow in ciwaanka iimaylka iyo nambarka teleefoonku ay yehiin waajib.
- Buuxi su’aalaha Haa iyo Maya macaluumaadka xiriirka ka hoose oo ku lifaaq nuqullada la sawirey ee aqoonsigaaga qaxootiga oo muujinaya labada dhinac. Tani waa talaabo waajib ah.
Marka la dhammeeyo tillaabooyinka kore, waxaad heli doonta acknowledgement receipt oo aad u baahan doonto inaad u bandhigto Times Tower, oo ay weheliyaan dukumeentiyada kale ee khuseeya, si aad u dhammaystirto nidaamka diwaangelintaada ee KRA PIN.
Fadlan ogow in dhammaan codsiyada KRA PIN ee qoxootiga waxa lagu dhameyn kara oo keliya hafiiska KRA oo ku yaala Times Tower ee ku teedsan jidka Haile Selassie Avenue. Xafiisyadu waxay furan yihiin maalmaha shaqada inta u dhaxaysa 8:00 subaxnimo iyo 5:00 galabnimo. Waxaad la xiriiri kartaa Xarunta wacitaanka ee KRA lambarka gacanta +254770631827. KRA sidoo kale waxaa lagala xiriiri karaa baraha bulshada iyadoo la adeegsanayo Twitter iyo Facebook.
Haddi aad doorato inaad KRA kala xidhiidho baraha bulshada, xasuusnoow inaad qadka isku ilaaliso!
Badbaadadaada awgeed, waa inaadan ku darin Nambarkaaga taleefanka, iimaylka, PIN, aqoonsiga ama macluumaadka kale ee gaarka ah boostada/boggaga ee dadweynaha.
Taa badelkeeda, dir fariin toos ah.
Waa maxay dukumentiyada loo baahan yahay si loo dhamaystiro habka Times Tower?
Habka xaqiijinta ee ka dhaca dhismaha Times Tower waa tallaabada ugu dembeysa ee helitaanka shahaadada KRA PIN.
Booqashadaada saraakisha KRA ee Times Tower waxaad u baah doonta inaad qadato:
- Asalka iyo nuqulka aqoonsiga qaxootiga ee saxda ah ama kaarka aliyanka(Alien)
- Warqad gogaldhig ah oo ka timid Refugee Affairs Secretariat. – RAS.
- Warqad ka timid loo-shaqeeyaha haddii aad shaqeyso.
- Shahaadada Diwaangelinta Ganacsiga haddii aad ganacsi ku jirto. Waxaad baran kartaa sida loo helo shahaadada ganacsiga halkan.
- Ogolaanshaha shaqada ee waaxda socdaalka (Class M permit). Class M permit waxa la siinayaa qof la siiyay aqoonsiga qoxootinimada Kenya si waafaqsan sharciga qoxootiga Kenya iyo lamaana kasta oo raba in uu shaqo bilaabo ama ku lug yeesha shaqo gaar ah, ganacsi ama xirfad.
- Risiidka codsiga KRA PIN oo la heley dhamaadka habsocodka lagu sifeeyay horraanti maqaalkan.
Marka aad so bandhigto dukumeentiyadan, sarakiisha KRA ayaa xaqiijin doona oo kusiin doona shahaado KRA PIN oo wadata macaluumaadka aqoonsigaaga iyo ciwaanka goobta sidii lagu sheegey codsigaga.
Hadii aad wax su’aalo ah qabtid, fadlan noogu soo qor bogga Julisha.Info ee Facebook page, isniinta ila jimcaha laga bilaabo 08:00 subaxnimo ila 5:00 galabnimo.